اسدالدین اویسی نے بابری مسجد کے تعلق سےکھلے عام مجرمانہ کارروائیوں کا جشن منانےپر ایکناتھ شندے اوردیویندر فڑنویس کوبنایانشانہ

ذرائع:

حیدرآباد:کل ہند مجلس اتحاد المسلمین کے صدر اور حیدرآباد کے رکن پارلیمنٹ اسد الدین اویسی نے چہارشنبہ کے روز مہاراشٹر کے چیف منسٹر ایکناتھ شندے اور ڈپٹی چیف منسٹر دیویندر فڑنویس کو نشانہ بناتے ہوئے الزام لگایا کہ وہ "کھلے عام مجرمانہ کارروائیوں کا جشن منا رہے ہیں اور لوگوں کو جرم کرنے پر اکسا رہے ہیں۔

اسدالدین اویسی کا یہ ریمارکس ایک دن بعد آیا جب فڑنویس نے نامہ نگاروں سے بات کرتے ہوئے منگل کو کہا کہ جب کار سیوکوں نے 6 دسمبر 1992 کو بابری ڈھانچہ کو گرایا



تو وہ وہاں موجود ہونے پر فخر اور خوشی محسوس کرتے ہیں۔

ڈپٹی چیف منسٹر کے بیان پر ردعمل ظاہرکرتے ہوئے صدر مجلس نے آج ٹویٹ کیا، "مہاراشٹر کے چیف منسٹر اور نائب چیف منسٹر کھلے عام مجرمانہ کارروائیوں کا جشن منا رہے ہیں اور لوگوں کو جرم کرنے کے لئے اکسا رہے ہیں۔ یہ دیوانی اور مجرمانہ بابری فیصلوں کا براہ راست نتیجہ ہے۔"

اویسی نے X پر لکھاکہ فیصلوں نے ایسی کارروائیوں کی حوصلہ افزائی کی ہو گی۔ آئینی حلف اٹھانے والے افراد کو مسلمانوں کی عبادت گاہوں کو نشانہ بنانے میں کوئی شرم محسوس نہیں ہوتی۔