الیکشن ریزلٹ آتے ہی مودی حکومت نے پٹرول کی قیمت بڑھائی: گہلوت

جے پور، 06 مئی (یو این آئی) راجستھان کے وزیراعلیٰ اشوک گہلوت نے کہا ہے کہ اسمبلی انتخابات کے نتائج آنے کے بعد مودی حکومت نے پٹرول کی قیمت بڑھا کر عوام پر بوجھ ڈالنا شروع کر دیا ہے مسٹر گہلوت نے آج ٹویٹ کرکے کہا کہ جب تک پانچ ریاستوں میں اسمبلی انتخابات جاری تھے، مودی حکومت نے پٹرول ڈیزل کی قیمتوں میں کوئی تبدیلی نہیں کی جبکہ بین الاقوامی بازار میں خام تیل کی



قیمتیں ہر دن رد و بدل کا شکار تھیں۔ انتخابات کے نتائج آتے ہیں مرکز نے پٹرول-ڈیزل کی قیمت بڑھا کر وبا سے متاثر عوام پر مہنگائی کا بوجھ ڈالنا شروع کر دیا ہے۔

انہوں نے کہا کہ مرکزی حکومت کو پٹرول-ڈیزل پر ٹیکس کم کرکے پہلے سے ہی پریشان عوام کو راحت دینی چاہیے۔ یو پی اے حکومت کے مقابلے مودی حکومت ڈیزل-پٹرول پر کئی گنا زیادہ ٹیکس وصول رہی ہے جس کے سبب مسلسل مہنگائی بڑھ رہی ہے۔