جب تک مودی سرکا ہے،ہجومی تشدد جاری رہے گا

نئی دہلی،31جولائی (ایجنسی) صدر کل ہند مجلس اتحاد المسلمین و رکن پارلیمنٹ حیدرآباد بیرسٹر اسد الدین اویسی نے ہجومی تشدد کے مسئلہ پر لوک سبھا میں بحث میں حصہ لیتے ہوئے حکومت پر دستوری ذمہ داری میں ناکام ہونے کا الزام لگایا اور کہا کہ ہجومی تشدد سے مسلمانوں اوردلتوں کو نشانہ بنایاجارہا ہے- انہوں نے کہا کہ ان واقعات پر آنکھیں خون کے آنسو روتی ہیں اور دل لہولہان



ہے- 

جب تک مودی سرکار ہے ہجومی تشدد کا سلسلہ جاری رہے گا- بیرسٹر اسدالدین اویسی نے کہا کہ بی جے پی مذہب کو نظریہ کے طور پر فروغ دے رہی ہے جو دستور کے خلاف ہے - جب تک وہ مذہب کو نظریہ کے طور پر فروغ دینا بند نہیں کرے گی اور اسے عقیدہ کے طور پر نہیں مانے گی، یہ تشدد ختم نہیں ہوگا-

انہوں نے بی جے پی کو تہذیبی قوم پرستی کے بجائے دستوری قوم پرستی اپنانے کا مشورہ دیا-