اماں اماں باہرآو،جیل میں قید ماں کیلئےبچی کی پکار،منظردیکھ کرسبھی اشکبار

کرنول:ماں اس کائنات کے خوبصورت ترین رشتے کا نام ہے۔

ماں محبت ،شفقت ،خلوص وہمدردی کا دوسرا نام ہے۔ ماں دنیا کا سب سے پیارا الفاظ ہے، ماں وہ ہستی ہے ،جس کی گود میں سر رکھ کر سکون کا احساس ہوتا ہے۔

ماں جس کا سایہ تپتی دھوپ میں ٹھنڈی چھاؤں کی مانند ہے۔ دنیا میں اس سے زیادہ محبت کرنے والی ہستی پیدا نہیں ہوئی۔ ماں جو دکھ پر دکھ اٹھا کر نو ماہ تک بچے کو پیٹ میں رکھتی ہے۔ اس کی پیدائش کے لئے جان پر کھیل جاتی ہے۔ دو سال تک اس کو دودھ پلاتی ہے۔ خود تو بھوکی رہ سکتی ہے لیکن اپنی اولاد کو کبھی بھوکھا نہیں سونے دیتی۔ کچھ بھی ہو جائے اپنی اولاد کے لئے اس کی محبت میں کبھی کمی نہیں آتی، کبھی اسے اولاد سے



اکتاہٹ محسوس نہیں ہوتی، ہر دن اس کی محبت بڑھتی چلی جاتی ہے، کم نہیں ہوتی۔ اسی طرح ماں اوراولاد کے درمیان محبت کا دل کو جھنجھوڑنے والا واقعہ آندھراپردیش کے کرنول ضلع میں پیش آیاہے۔ تصویر میں نظرآنے والی یہ کمسن لڑکی جیل میں قید اپنی ماہ کوپکار رہی ہے۔ جیل کے دروازے کے سامنے کھڑے ہوکراپنی ماں کو باہرآنے کیلئے کہہ رہی ہے۔ اس نظارے کو دیکھ وہاں موجود سبھی لوگ اشکبارہوگئے۔ بعد میں انسانیت کی بنیاد پر جیل حکام نے بچی کو ماں سے ملوایا۔ ملاقات کے بعد عہدیداروں نے بچی کو حفاظت کے ساتھ رشتہ داروں کے حوالے کردیا۔ بتایا جارہا کہ اس بچی کی ماں کو چوری کے معاملے میں کرنول سب جیل میں رکھاگیاہے۔ گذشتہ دو دنوں سے سوشیل میڈیاپر لڑکی کایہ ویڈیو کافی وائرل ہورہاہے۔