اے آئی ایم آئی ایم کی جمعہ کو 'نیشنل انٹگریشن ڈے' ریلی

حیدرآباد،15 ستمبر (ذرائع) آل انڈیا مجلس اتحاد المسلمین پارٹی جمعہ (16 ستمبر 2022) کو 'نیشنل انٹگریشن ڈے' ریلی کے انعقاد کے لیے پوری طرح تیار ہے۔

یہ ریلی بہادر پورہ میں واقع عیدگاہ میر عالم سے شروع ہوکر پرانے شہر کے نواب صاحب کنٹہ پر اختتام پذیر ہوگی۔

پارٹی کارکنان اور مقامی کارپوریٹر بائک ریلی کے لیے انتظامات کررہے ہیں۔

آل انڈیا مجلس اتحاد المسلمین کے صدر اسد الدین اویسی پارٹی



قانون سازوں کے ساتھ ریلی کی قیادت کریں گے۔

بائیک ریلی میں تقریباً 15,000 لوگوں کی شرکت متوقع ہے اور نواب صاحب کنٹہ میں حیدرآباد کے ایم پی بیرسٹراسدالدین اویسی شرکت کریں گے۔

جمعرات کو ڈی سی پی (جنوبی) پی سائی چیتنیا اور اے سی پی (فلک نما) سید جہانگیر نے میر عالم عیدگاہ اور نواب صاحب کنٹہ کا دورہ کیا اور مقام کا معائنہ کیا۔ ڈی سی پی نے کہا کہ پولیس اپنے حفاظتی انتظامات کے حصے کے طور پر مناسب فورس تعینات کرے گی۔