رادھا کرشنن کو دیا گیا تلنگانہ کے گورنر کا اضافی چارج

تلنگانہ: جھارکھنڈ کے گورنر سی پی رادھا کرشنن کو باقاعدہ انتظامات ہونے تک تلنگانہ کے گورنر اور پڈوچیری کے لیفٹیننٹ گورنر کا اضافی چارج دیا گیا ہے۔

یہ تقرری صدر دروپدی مرمو کی جانب سے تلنگانہ کے گورنر اور پڈوچیری کے لیفٹیننٹ گورنر کے طور پر ڈاکٹر تمیلی سائی



ساؤندراراجن کے استعفیٰ کو قبول کرنے کے بعد ہوئی ہے۔

رادھا کرشنن 2023 سے جھارکھنڈ کے گورنر ہیں۔ اس سے پہلے وہ بھارتیہ جنتا پارٹی کے رکن تھے اور کوئمبتور سے دو بار لوک سبھا کے رکن کے طور پر خدمات انجام دے چکے ہیں۔ وہ تمل ناڈو بی جے پی کے صدر کے عہدے پر بھی فائز رہے۔ 2016 سے 2019 تک، انہوں نے آل انڈیا کوئر بورڈ کے چیئرمین کے طور پر خدمات انجام دیں۔