عباس انصاری اپنے والد مختار انصاری کی فاتحہ میں شرکت کے لئے ہوئے روانہ

مرحوم مختار انصاری کے بیٹے عباس انصاری کو سخت سیکورٹی کے درمیان کاس گنج جیل سے غازی پور جیل لایا گیا۔ سپریم کورٹ نے عباس انصاری کو اپنے والد مختار انصاری کی یاد میں 10 اپریل کو ہونے والی فاتحہ کی تقریب میں شرکت کی اجازت دی۔ جن کا حال ہی میں باندہ میڈیکل کالج میں انتقال ہوا۔

عدالت نے کہا تھا کہ عباس کو 11 اور 12 اپریل کو ان کے اہل خانہ سے ملنے کی اجازت دی جائے۔ عدالت نے کہا کہ انہیں 13 اپریل کو کاس



گنج جیل واپس لایا جائے۔

عدالت نے کہا تھا کہ پولیس زائرین کی تلاشی لے گی تاکہ اس بات کو یقینی بنایا جا سکے کہ کوئی بھی شخص 'فاتحہ' تقریب کے مقام یا عباس انصاری کے آبائی گھر میں ہتھیار لے کر نہ جا سکے۔

ایم ایل اے عباس انصاری غازی پور پہنچ گئے، کچھ دیر میں اپنے والد مختار انصاری کی قبر پر جائیں گے اور فاتحہ پڑھیں گے۔

بھاری نفری کی موجودگی میں پولیس عباس کو محمد آباد کے قبرستان میں ان کے والد مختار انصاری کی قبر پر لے جا رہی ہے۔