گریٹر سٹی میں ٹریفک کنٹرول اوربہتر انتظام کے لئے ایک جامع منصوبہ تیار کیا جائے:ریونت ریڈی

ذرائع:

حیدرآباد:گریٹر حیدرآباد کے حدود ٹریفک کنٹرول کو محکمہ پولیس کی جانب سے اولین ترجیح دی جانی چاہئے۔چیف منسٹر ریونت ریڈی نے عہدیداروں کوہدایت دی کہ وہ فوری طور پر بڑی تعداد میں ہوم گارڈس کی بھرتی کا کام شروع کریں تاکہ ٹریفک اہلکاروں کی کمی کو دور کیا جاسکے۔اور یہ انتظامات تین ماہ کے اندر مکمل کئے جائیں۔چیف منسٹر نے چہارشنبہ کو بی آر امبیڈکر سکریٹریٹ میں گریٹر حیدرآباد ٹریفک کا جائزہ لیا۔

بعدمیں انہوں نے کہا کہ مختلف محکموں میں کام کرنے والے ہوم گارڈز کو فوری طور پر محکمہ ٹریفک میں واپس لایا جائے۔ فوری طور پر ان کی خدمات کو ٹریفک کنٹرول کے فرائض کے لئے استعمال کرنے کی ہدایت دی۔ٹریفک زیادہ ہونے پر لا اینڈ آرڈر پولیس کو زیادہ تر شہر میں ٹریفک کنٹرول کی ڈیوٹیوں کے لئے استعمال کیا



جانا چاہئے۔ موجودہ ٹریفک تھانوں کو اپ گریڈ کیا جائے۔

ریونت ریڈی نے اس موقع پراسٹیشنوں کو دوبارہ منظم کرنے کی بھی ہدایت دی۔تاکہ عملہ کی مناسب تعداد ہو۔ ایل بی نگر جنکشن کی طرح سب وے، انڈر پاس اور سرفیس وے کی تعمیر کے امکانات کو ان جنکشنوں میں تلاش کیا جانا چاہئے جہاں ٹریفک زیادہ ہو۔ خودکار سگنل سسٹم پر انحصار کرنے کے بجائے بھاری ٹریفک والے علاقوں میں ٹریفک اہلکاروں کی موجودگی کے انتظامات کئے جائیں۔

انہوں نے کہاکہ حیدرآباد، سائبرآباد اور رچاکنڈہ کمشنریٹس کے پولیس افسران اور میونسپل زونل کمشنر تال میل کے ساتھ ٹریفک کنٹرول پر توجہ دیں۔ گریٹر سٹی میں ٹریفک کنٹرول اور انتظام کے لئے مستقبل کی ضروریات کے مطابق ایک جامع منصوبہ تیار کیا جائے۔ عہدیداروں کوہدایت دی گئی کہ وہ کنسلٹنسیوں کو ذمہ داریاں سونپ کراسٹیڈی کریں۔