مہاراشٹرا میں بھیانک آتشزدگی کاواقعہ،چھ افراد ہلاک،کئی زخمی

ذرائع:

ممبئی:مہاراشٹر کے چھترپتی سمبھاجی نگر میں آگ لگنے سے چھ لوگوں کی موت ہو گئی ہے۔ آگ ہینڈ گلوز بنانے والی فیکٹری میں لگی۔ فی الحال فائر بریگیڈ کی گاڑیوں نے آگ پر قابو پالیا ہے۔ واقعے میں زخمی ہونے والے لوگوں کو علاج کے لئے چھترپتی سمبھاجی نگر کے سرکاری اسپتال میں داخل کرایا گیا ہے۔

اطلاعات کے مطابق مہاراشٹر کے چھترپتی سمبھاجی نگر میں ہاتھ کے دستانے بنانے والی کمپنی



ریئل سنشائن کے اندر اتوار کی علی الصبح زبردست آگ لگ گئی۔ بتایا جا رہا ہے کہ یہ کمپنی کاٹن ہینڈ گلوز تیار کرتی ہے۔

کمپنی کے ایک ملازم نے میڈیا کو بتایا کہ ’پانچ ملازمین عمارت کے اندر پھنسے ہوئے ہیں‘۔ مقامی لوگوں نے چار پھنسے ہوئے مزدوروں کی شناخت بھولا شیخ (65)، کوثر شیخ (26)، اقبال شیخ (26) اور معروف شیخ (25) کے طور پر کی ہے۔ مزدوروں نے بتایا کہ کمپنی رات کو بند تھی اور آگ لگنے کے وقت وہ سو رہے تھے۔