پارلیمنٹ سے مزید تین اپوزیشن ارکان معطل،معطل ہونے والوں کی تعدادہوئی146(اعتماد)

ذرائع:

نئی دہلی:پارلیمنٹ سے اپوزیشن کے مزید تین ارکان کو معطل کردیاگیاہے۔جس سے معطل ہونے والےارکان کی تعداد 146 ہو گئی ہے۔ معطل ہونے والوں میں کانگریس کے ارکان پارلیمنٹ دیپک بیج، ڈی کے سریش اور نکول ناتھ شامل ہیں،,نکول ناتھ جو کہ سینئر لیڈر کمل ناتھ کے بیٹے ہیں۔

ایوان زیریں سے معطل ہونے والے ارکان پارلیمنٹ کی تعداد اب 100 ہے، گزشتہ روز دو ارکان کو معطل کیا گیا تھا۔

معطلی کی لہر اس ہفتے کے شروع



میں شروع ہوئی جب اپوزیشن نے مرکزی وزیر داخلہ سے لوک سبھا میں سیکورٹی کی چوک کے بارے میں بیان کا مطالبہ کیا۔

یہ معاملہ حکومت اور اپوزیشن کے درمیان شدت اختیارکر گیا ہے، خاص طور پر ترنمول کانگریس کے ایک رکن پارلیمنٹ کی جانب سےراجیہ سبھا کے چیئرمین اور نائب صدر جگدیپ دھنکر کی نقل کرنے کے بعد معاملہ مزیدبگڑگیا۔

اپوزیشن نے الزام لگایا ہے کہ ارکان پارلیمنٹ کی معطلی اہم بلوں کو بغیر کسی بحث کے منظور کرانے کی حکومت کی سازش ہے۔