گریٹر نوئیڈا میں عمارت گرنے سے تین افراد ہلاک

گریٹر نوئیڈا/18جولائی(ایجنسی) اترپردیش میں ضلع گوتم بدھ نگر کے گریٹر نوئیڈا کے شاه بیري گاؤں میں گور چوک کے قریب منگل کو دیر رات ایک زیر تعمیر عمارت دوسری عمارت پر جا گری جس میں تین افراد ہلاک ہو گئے۔قومی ڈیزاسٹر ریلیف فورس (این ڈی آر ایف) کی ٹیم نے اس کی تصدیق کی ہے۔
پولیس سپرنٹنڈنٹ (دیہات) سنيت سنگھ نے بتایا کہ منگل کی رات تقریبا نو بجے ایک زیر تعمیر عمارت دوسری عمارت پر جا گری جس میں کم از کم 50 افراد زخمی ہو گئے۔ عمارت گرنے کے بعد امدادی اور ریسکیو آپریشن کے لئے غازی آباد سے این ڈی آر ایف کی ٹیم کو مدد کے لئے بلایا گیا۔ عمارت کے ملبے میں بہت سے لوگوں کے پھنسے ہونے کااندشہ ہے۔
این ڈی آر ایف کی ٹیم کے ساتھ



آئے اسنفر ڈاگ نے ملبے میں دبے لوگوں کو نکالنے میں کافی مدد کی اور دیر رات تقریبا تین بجے ملبے سے تین افراد کی لاشیں برآمد ہوئیں۔ تینوں کی شناخت ابھی نہیں ہو پائی ہے.ریلیف اور ریسکیو آپریشن جاری ہے۔
قابل غور ہے کہ گریٹر نوئیڈا ویسٹ شاه بیري گاؤں میں زمین ایکوائرمنٹ کو لے کر ہائی کورٹ اور سپریم کورٹ میں سماعت چل رہی تھی جس کے بعد عدالت نے گاؤں کا ایکوائرمنٹ منسوخ کر دیا تھا۔ اس کے بعد سے شاه بیري اور ارد گرد کے علاقے میں کسی بھی قسم کی تعمیر پر گریٹر نوئیڈا اتھارٹی نے روک لگا رکھی ہے۔ تب سے لے کر گاؤں کے ارد گرد کنسٹرکشن کمپنیوں کے پروجیکٹ التوا میں پڑے ہوئے ہیں اسی کا فائدہ اٹھا کر کچھ چھوٹے بلڈر گاؤں کی زمین پر غیر قانونی طور پر چار سے چھ منزلہ اپارٹمنٹ بنا رہے ہیں۔