مولانا ڈاکٹر کلب صادق کی رحلت ملی اور قومی سانحہ:مسلم پرسنل لاء بورڈ

نئی دہلی، 25 نومبر (یو این آئی) آل انڈیا مسلم پرسنل لا بورڈ کے نائب صدر، ملک کے ممتاز عالم دین و ماہر تعلیم اور ترجمان مولانا ڈاکٹر کلب صادق کے انتقال پر آل انڈیا مسلم پرسنل لا بورڈ نے گہرے رنج و غم کا اظہار کرتے کہا کہ ان کی رحلت سے ملک ایک بڑی قابل قدر شخصیت،دانشور،اور ممتاز رہنما سے محروم



ہوگیا۔

آج یہاں جاری ایک تعزیتی بیان میں آ ل انڈیا مسلم پرسنل لا بورڈ کے جنرل سکریٹری امیر شریعت حضرت مولانا محمد ولی رحمانی نے کہا کہ وہ شریف النفس، باکردار، اور علم و عمل کی جامع شخصیت تھے، ملک و ملت کی تعمیر و ترقی کا جذبہ انہیں ہردم سر گرم عمل رکھتا تھا، انہوں نے بھرپور زندگی گذاری، اور ملک و ملت کی بڑی خدمت انجام دی۔