رمضان میں سماجی فاصلے پر عمل کریں: نقوی

نئی دہلی، 13 اپریل (یو این آئی) مرکزی اقلیتی امور کے وزیر مختار عباس نقوی نے کورونا کے قہر کو دیکھتے ہوئے ممکنہ طور پر 24 اپریل سے شروع ہونے والے رمضان کے مقدس مہینے کے دوران ہندوستانی مسلمانوں سے لاک ڈاؤن کی ہدایات اور سماجی فاصلے پر پوری ایمانداری سے عمل کرتے ہوئے اپنے اپنے گھروں پر ہی عبادت کرنے کی درخواست کی۔

ریاستوں کے وقف بورڈز کی ریگولیٹری باڈی مرکزی وقف کونسل کے چیرمین مسٹر نقوی نے بتایا کہ ریاستوں کے مختلف وقف بورڈز کے تحت ملک بھر میں 7 لاکھ سے زیادہ رجسٹرڈ مساجد،درگاہیں، امام باڑے، عید



گاہیں اور دیگر مذہبی ادارے آتے ہیں۔

واضح رہے کہ کورونا کے قہر کے سبب سعودی عرب سمیت بیشتر مسلم ممالک نے رمضان پر مذہبی مقامات پر عبادت، افطار وغیرہ پر روک لگا دی ہے۔

انہوں نے بتایا کہ مختلف مذہبی رہنماؤں، سماجی و مذہبی تنظیموں کے نمائندوں، ریاستی وقف بورڈ کے حکام،عہدیداروں سے بات کرنے کے بعد ان سے اپیل کی ہے، کہ مذہبی، سماجی تنظیم اور مذہبی رہنما اس بات کو یقینی بنائیں کہ رمضان کے مہینے میں مساجد اور دیگر مذہبی مقامات کی جگہ لوگ اپنے اپنے گھروں پر رمضان المبارک کے مذہبی ذمہ داریوں کو پورا کریں۔