اجمیر عرس سے پہلے چلا بلڈوزر

اجمیر، 26 ڈسمبر(ذرائع)  راجستھان کے ضلع اجمیر میں واقع عالمی شہرت یافتہ صوفی بزرگ حضرت خواجہ غریب نواز کے 813 ویں عرس کی تیاریاں زور و شور سے جاری ہیں۔

عرس کے پیش نظر درگاہ کے علاقے میں خفیہ ایجنسیاں اور پولیس انتظامیہ بھی الرٹ موڈ پر ہے۔ اسی سلسلے میں آج جمعرات کی صبح ساڑھے آٹھ بجے میونسپل کارپوریشن کی جانب سے ناجائز قبضے کے خلاف ایک بڑی کارروائی



کی گئی۔

درگاہ کے علاقے میں قبضوں  کی کارروائی زیر بحث ہے۔ آپ کو بتاتے چلیں کہ 813 ویں عرس پر لاکھوں زائرین درگاہ خواجہ غریب نواز کی زیارت کے لیے آتے ہیں۔ یہاں آنے والے لوگوں کو کسی قسم کی پریشانی سے بچنے کے لیے آج یہاں بلڈوزر کارروائی کی گئی۔

جمعرات کو ایک بڑی کارروائی کرتے ہوئے میونسپل کارپوریشن نے درگاہ کے کئی علاقوں میں غیر قانونی قبضوں  پر بلڈوزر چلایا۔