مقابلہ حسن میں بیوی دوسرے نمبر پر آگئی، شوہر نے غصے میں آکر تاج پھینک کر توڑ دیا

برازیل 30 مئی (ذرائع) سوشل میڈیا پر ایک ویڈیو وائرل ہو رہی ہے۔ اس ویڈیو میں دیکھا جا سکتا ہے کہ ایک شخص اسٹیج پر جا کربار بار تاج کو پھینک رہا ہے- دراصل یہ معاملہ برازیل کا ہے۔ یہاں ایک مقابلہ حسن ہوا جس میں ایک خاتون کو فاتح قرار دیا گیا۔ دوسرے نمبر پر ایک اور خاتون آئی، اس سے اس کا شوہر ناراض ہوگیا اور اس نے اسٹیج پر چڑھ کر خوف و ہراس پھیلا دیا۔ اس واقعے کی ویڈیو سوشل میڈیا پر تیزی سے وائرل ہو رہی ہے۔ اس ویڈیو کو دیکھنے کے بعد لوگ حیران ہوگئے-

ویڈیو میں دیکھا جا سکتا ہے کہ کس طرح ناراض شوہر نے فاتح خاتون کا تاج اٹھا کر زمین پر پٹخ دیا۔ اس شخص نے اسٹیج پر بہت دہشت پھیلا دی- دراصل، 'LGBTQIAP+ بیوٹی پیجینٹ' برازیل میں



منعقد کیا گیا تھا۔ تقریب میں دو خواتین منتخب ہوئی، ان دونوں میں سے ایک کو فاتح ہونا تھا۔ فاتح کے نام کا اعلان بھی کر دیا گیا ہے۔ جیتنے والی خاتون کا نام ایمانویلی بیلینی ہے اور دوسرے نمبر پر نتھالی آئی لیکن رنر اپ خاتون کے شوہر کو یہ بات پسند نہیں آئی۔ غصے میں آکر وہ اسٹیج پر چڑھ گیا اور تاج کو کھینچ کر پکڑ لیا۔ پھر اس کے بعد وہ اسٹیج پر ہی توڑنے لگا-