شری دیوی کی بائیوپک میں نظر آسکتی ہیں ودیا بالن

نئی دہلی/16مارچ(ایجنسی) گذشتہ سال بالی ووڈ کے فینس کے لیے بڑا جھٹکا اس وقت لگا  جب بہترین اداکارہ شری دیوی کی ایک حادثے میں موت ہوگئی، اب شری دیوی کے ہر فین کی دلی خواہش ہے کہ انکی بائیوپک بنے، تو آپ کو بتادیں کہ یہ بھی ہوسکتا ہے کہ بالی ووڈ کی چاندنی شری دیوی کی بائیوپک میں انکا کردار نبھاتے ہوئے ودیا بالن نظر آئیں، حیران مت ہوئیے ہم نہیں کہے رہے ہیں بلکہ خود ودیا بالن نے کہا ہے.

ودیا بالن کا کہنا ہے کہ اداکارہ شری دیوی کو خراج عقیدت دینے کے طور پر انکی بائیوپک میں اہم رول نبھانا پسند کریں گی، ایک بیان میں کہا گیا کہ ودیا نے اسٹوری نائٹس 2" کے ایک قسط میں اپنی یہ خواہش ظاہر کی.