قلی نمبر ون کے ریمیک میں ورون اور سارا کی جوڑی نظر آسکتی ہے

ممبئی، 9مارچ (ایجنسی) بالی ووڈ اداکار ورون دھون اور سارا علی خان فلم قلی نمبر ون کے ریمیک میں ساتھ کام کرتے نظر آسکتے ہیں۔

ورون نے حال ہی میں بتایا تھا کہ سلمان کی "جڑواں" کے ریمیک کے بعد اب وہ گووندہ کی فلم "قلی نمبر ون" پر کام کریں گے۔ جب ورون سے اس فلم میں لیڈنگ لیڈی کون ہوگی تو اس بارے میں انہوں نے زیادہ کھل کر کچھ نہیں کہا۔
اس کے بعد جب انہیں عالیہ بھٹ اور سارا علی خان کا آپشن



دیا گیا تو ورون نے فوراََ کہا کہ فی الحال عالیہ کے ساتھ ابھی کوئی فلم نہیں کریں گے کیونکہ انہوں نے کئی فلموں میں ساتھ کام کرلیا ہے۔ انہیں لگتا ہے کہ ایسے میں لوگ ان کی آن اسکرین کیمسٹری کو گرانٹیڈ لینے لگیں گے حالانکہ ورون سارا کے نام پر خاموش رہے۔

ورون ان دنوں عالیہ بھٹ کے ساتھ "کلنک" کی تیاری میں مصروف ہیں۔ اس فلم میں سوناکشی سنہا، آدتیہ رائے کپور، مادھوری دکشت، سنجے دت جیسے کئی اسٹار بھی ہیں۔ کلنک اگلے مہینے 19اپریل کو ریلیز ہورہی ہے۔