اروناچل پردیش میں بھیڑیے کی شوٹنگ سے خوش ہیں ورون دھون

ممبئی ، 16 اپریل (یو این آئی) بالی ووڈ اداکار ورون دھون اروناچل پردیش میں اپنی آنے والی فلم بھیڑیے کی شوٹنگ کرکے بہت خوش ہیں ورون دھون ان دنوں اروناچل پردیش میں کرتی سینن کے ساتھ اپنی آنے والی فلم ‘بھیڑیے‘ کی شوٹنگ میں مصروف ہیں اس فلم کے سیٹ سے ورون اور کرتی دونوں کی تصاویر اور ویڈیوز سامنے آئی ہیں۔

اس ویڈیو میں ورون اروناچل پردیش اور وہاں کے لوگوں کی تعریف کرتے ہوئے دکھائی دے



رہے ہیں۔

ورون دھون نے کہا ’’میں تہہ دل سے کہنا چاہتا ہوں کہ میں اروناچل پردیش سے بہت پیار کرتا ہوں۔

یہ میرے کیریئر میں اب تک کی شوٹنگ کا سب سے بہترین تجربہ رہا ہے۔

میں نے ملک کے متعدد شہروں میں شوٹنگ کی ہے اور کئی ریاستوں میں بھی شوٹنگ کی ہے ، لیکن یہاں کام کرنا میری زندگی کا بہترین تجربہ رہا ہے۔

یہاں کے لوگ بہت اچھے ہیں اور بہت خوبصورت ہیں ، یہاں ہر کسی کا تجربہ اچھا ہی رہے گا۔