ٹائیگر 3 ، تھیٹر کے اندر پٹاخے پھوڑے ، کیس درج

ناسک، 13 نومبر (ذرائع) اتنے عرصے بعد سلمان خان اور کترینہ کیف کی فلم ٹائیگر 3 بالآخر باکس آفس پر ریلیز ہوگئی۔ دیوالی کے موقع پر خان نے اپنے مداحوں کو بڑا سرپرائز دیا۔ فلم کا شو صبح 6 بجے شروع ہوا اور ہاؤس فل تھا۔ اس فلم کا کریز اتنا بڑھ گیا کہ سلمان خان، کترینہ کیف اور عمران ہاشمی کی انٹری پر تھیٹر ہنگامہ آرائی سے گونجنے لگا اور یہی نہیں شائقین نے تھیٹر کے اندر پٹاخے بھی جلائے۔ 

حکام کے مطابق، پولیس نے نوٹس لیا اور مہاراشٹر پولیس ایکٹ کی دفعہ 112 اور 117 کے تحت مقدمہ درج کیا۔

سوشل میڈیا پر ایک ویڈیو وائرل ہو رہی ہے، جس میں بھائی جان کے مداح تھیٹر کے اندر پٹاخے پھوڑتے نظر آ رہے ہیں۔ اس ویڈیو میں آپ دیکھ سکتے ہیں کہ شاید سلمان خان کی انٹری کا سین اسکرین پر چل رہا ہے، وہ تھیٹر کے اندر آتش بازی کرنے لگے- سلمان خان کے مداحوں کی اس حرکت کو دیکھ کر دیگر لوگ خوفزدہ ہو کر اپنی نشستوں سے بھاگ رہے ہیں۔