تاناجی میں اجے دیوگن کا فرسٹ لُک ریلیز

ممبئی،22اکتوبر(یواین آئی)مشہور اداکار اجے دیوگن کی نئی فلم ’تاناجی :دی ان سنگ واریئر ‘میں ان کا جو انداز اور کردار ہوگا وہ ریلیز ہوچکا ہے۔

اجے دیوگن نے کچھ مہینے پہلے اپنی آنے والی فلم ’تاناجی:دی ان سنگ واریئر‘ کا فرسٹ لک ریلیز کیاتھا،جسے مداحوں نے خوب پسند کیاتھا۔ اب انہوں نے اس فلم میں پیش اپنےکردار کے انداز کو بھی ریلیز کیا ہے،جسے انٹرنیٹ پر بہت پسند کیا جارہا ہے۔

تاناجی کے پوسٹر میں اجے دیوگن تیروں کی



بوچھار کے درمیان ہاتھوں میں تلوار لئے غصے میں نظر آرہے ہیں۔ ان کا یہ انداز لوگوں کو بہت پسند آرہا ہے۔

فلم کے پوسٹر کو شیئر کرتے ہوئے اجے نے لکھا،’’دماغ بھی تلوار کی دھار کی طرح ہی تیز تھا۔

تاناجی دی ان سنگ واریئر 10جنوری 2020 کو ریلیز ہوگی۔ یہ فلم 17ویں صدی کے ایک مراٹھا سرداراور چھترپتی شیواجی مہاراج کے قریبی دوست رہے تاناجی مالسرے کی زندگی پر مبنی ہے۔ اس فلم میں اجے کی اہلیہ کاجول اور سیف علی خان بھی نظر آئیں گے۔