تاپسی پنو متالی راج کا کردار ادا کریں گی

ممبئی،3جولائی(ایجنسی)مشہورادکارہ Taapsee Pannu تاپسی پنو پردہ سیمیں پر ہندوستانی خاتون کرکٹ کھلاڑی اور خواتین ہندوستای کرکٹ ٹیم کی کپتان Mithali Raj متالی راج کا کردار ادا کرتی نظر آسکتی ہیں۔ تاپسی پنو ان دنوں بالی ووڈ میں ہر طرح کی فلمیں کررہی ہیں۔ ایسی خبریں ہیں کہ تاپسی جلد ہی خواتین ہندوستای کرکٹ ٹیم کی کپتان متالی راج کا کردار ادا کرتی نظر آسکتی ہیں۔

اس سے پہلے وہ دلجیت دوسانجھ کے ساتھ فلم سورمہ میں ہاکی کھلاڑی کے رول میں نظر



آئیں تھیں۔ ایسی خبریں ہیں کہ متالی راج کے رول کےلئے تاپسی کا نام بھی سر فہرست ہے۔ حالانکہ ابھی تک اس باضابطہ طورپر کوئی اعلان نہیں ہوا ہے۔ بتایا جارہا ہے کہ ابھی تک ہدایت کار کا انتخاب نہیں کیاگیا ہے اور فلم کی اسکرپٹ لکھی جارہی ہے۔

تاپسی سے متالی راج کی بایوپک کے بارے میں پوچھا گیاتھا۔ تب بھی تاپسی نے کہا تھا کہ اگر یہ فلم انہیں پیش کی جاتی ہے تو وہ اس کردار کوخوشی سے ادا کریں گی۔ تاپسی نے اسپورٹس بایوپک میں کام کرنے کی خواہش ظاہر کی ہے۔