اننیا پانڈے شاہ رخ خان کو والد کی طرح سمجھتی ہیں

ممبئی، 18مئی (ایجنسی) بالی ووڈ اداکار چنکی پانڈے کی بیٹی اننیا پانڈے کنگ خان شاہ رخ خان کو و الد کی طرح سمجھتی ہیں۔

اننیا نے فلم ’اسٹوڈنٹ آف دی ایئر۔ 2‘ کے ذریعہ بالی ووڈ میں اپنا کیریر شروع کیا ہے۔

اس فلم کو کچھ خاص رسپانس نہیں ملا، لیکن فلم میں اننیا کی ایکٹنگ کی تمام نے تعریف کی۔ یہی وجہ ہے کہ اننیا آج کل کافی خوش ہیں۔

اننیانے بتایا کہ انکی زندگی میں کون سب سے زیادہ اہمیت رکھتا ہے۔ فلم انڈسٹری میں اننیا کے کئی دوست ہیں جن



میں شاہ رخ خان کی بیٹی سہانا خان اور سنجے کپورکی بیٹی شنیا کپور شامل ہیں لیکن ایسے بہت کم لوگ ہوتے ہیں جو فیملی کی طرح ہوتے ہیں۔ اس معاملہ میں اننیا خود کو خوش قسمت سمجھتی ہیں۔

اننیا نے کہا کہ بالی ووڈ میں کئی لوگ ان کے قریبی ہیں لیکن شاہ رخ اسپیشل ہیں۔ شاہ رخ ان کے والد کی طرح ہیں۔ شاہ رخ ان کے والد چنکی پانڈے کے اچھے دوست ہیں اور بہت خیال رکھتے ہیں۔ اننیتا اب کارتک اسٹارر ’پتی، پتنی اور وہ‘ کے ری میک میں نظر آئیں گی۔ یہ فلم اگلے سال دس مئی کو ریلیز ہوگی۔