ساہو کی کامیابی سے کافی پرجوش شردھا کپور

ممبئی 18 ستمبر (ایجنسی) بالی وڈ اداکارہ شردھا کپور فلم ’ساهو‘کو مل رہی کامیابی پر بہت خوش ہیں۔ جنوبی ہند فلموں کے سپر اسٹار پربھاس اور شردھا کپور کی فلم ساهو باکس آفس پر ہٹ ثابت ہوئی هے۔

شردھا نے فلم کو مل رہے ریویو پر کہا ’’یہ سر چکرا دینے والا تھا کیونکہ میں اس بات سے حیران تھی کہ نیگیٹو ریویو کے باوجود فلم نے اتنا اچھا پرفارم کیاہے۔  یہ بات حیران کرنے والی ضرور ہے لیکن پربھاس کے جتنے پرستار ہیں اسے دیکھ کر یہ صورت حال اتنی بھی چونکانے والی نہیں ہے۔



فلم کی کامیابی کے پیچھے ان کے شائقین کے ساتھ دیگر کئی وجوہات ہیں۔

آخر ی فیصلہ ناظرین ہی کرتے ہیں لیکن میں دوبارہ اس طرح کی فلموں کا حصہ بننا چاہوں گی‘‘۔

شردھا نے خود کو خوش قسمت سمجھا کہ وہ اس پروجیکٹ کا حصہ بن سکیں۔ انہوں نے بتایا کہ وہ ہمیشہ سے ایسی فلم کا حصہ بننا چاہتی تھیں جو ناظرین کو زیادہ متوجہ کرے۔

کامیابی کا یہ تجربہ ان کے لئے کافی دلچسپ رہا ہے۔ شردھا جلد ہی رقص پر مبنی فلم ’اسٹریٹ ڈانسر‘ اور ٹائیگر شروف کے ساتھ ’باغی ۔ 3‘ میں بھی دکھائی دیں گی۔