چالباز ان لندن میں کام کریں گی شردھا کپور

ممبئی ، 4 اپریل ( یو این آئی) بالی ووڈ اداکارہ شردھا کپور فلم ’چالباز ان لندن‘ میں کام کریں گی شردھا کپور نے اپنے نئے پروجیکٹ کا اعلان کردیا ہے شردھا کپور ’چالبازان لندن‘ میں مرکزی کردار میں نظر آئیں گی۔

انہوں نے اس کا ویڈیو سوشل میڈیا پر شیئر کیا ہے۔

اس فلم کی ہدایتکاری پنکج پراشر کریں گے پنکج پراشر نے 1989 میں ریلیز فلم ’چالباز‘ کی ہدایت کاری کی تھی۔

اس فلم



میں سری دیوی ، رجنی کانت اور سنی دیول نے اہم کردار ادا کئے تھے۔

ایسا کہا جارہا ہے کہ شردھا کپور فلم ’چالباز ان لندن‘ میں سری دیوی کا کردار نبھاتی نظر آسکتی ہیں ۔

فلم کا اعلان کرتے ہوئے شردھا نے انسٹاگرام پر لکھا ’چالباز ان لندن‘ ۔

اس فلم کی ہدایتکاری صرف اور صرف پنکج پراشر ہی کررہے ہیں اور بھوشن کمار ، کرشن کمار ، احمد خان اور شائرا خان اس فلم کے پروڈیوسر ہیں۔