نغمہ ’چرا کے دل میرا ‘ ری کریٹ کریں گی شلپا شیٹی

ممبئی 20 جنوری (یو این آئی) بالی ووڈ اداکارہ شلپا شیٹی اپنا سپر ہٹ نغمہ ’چرا کے دل میرا گوریا چلی‘ کو ری کریٹ کریں گی سال 1994 میں ریلیزفلم’میں کھلاڑی تو اناڑی‘ میں چرا کے دل میرا گوریا چلی ، اکشے کمار اور شلپا شیٹی پر فلمایا گیا نغمہ جو سپرہٹ ثابت ہوا تھا، شلپا ایک مرتبہ پھر اس نغمہ کے ذریعے سب کا دل چرانے کے لئے تیار ہیں۔

شلپا کافی عرصے بعد فلم ہنگامہ۔ 2



سے بالی ووڈ میں کم بیک کررہی ہیں۔ فلم ہنگامہ ۔ 2 میں ، شلپا چرا کے دل میرا گانے پر اپنی اداؤں سے ناظرین کے دل چرانے جارہی ہیں۔ فلم ہنگامہ۔ 2 کے اس گانے کو ری کریٹ کیا جائے گا۔

پریہ درشن کی ہدایت کاری میں بن رہی اس فلم میں ری کریٹ ہورہے اس نغمہ کو بھی شلپا شیٹی پر فلمایا جائے گا۔ اس فلم میں شلپا مرکزی کردار میں ہیں ان کے علاوہ اس فلم میں میزان جعفری اور پریش راول بھی موجود ہیں۔