شکنتلا دیوی کی بایوپک میں ودیا بالن کے داماد امیت سادھ

ممبئی، 9 نومبر (یو این آئی) بالی وڈ اداکار امیت سادھ شکنتلہ دیوی کی سوانح میں ودیا بالن کے داماد کا کردار نبھائیں گے۔

عظیم ریاضی داں شکنتلہ دیوی پر ایک سوانح بنائی جارہی ہے۔ فلم میں شکنتلا دیوی کا کردار ودیا بالن نبھارہی ہیں جبکہ ان کی بیٹی کے کردار میں ثانیہ ملہوترا نظر آئیں گی اور اب ایک اور نام اس فلم سے منسلک ہوگیا ہے۔ کائے پو چھے، گولڈ اور سلطان جیسی فلموں میں اداکاری کے جوہر دکھا چکے امیت سادھ اس فلم



میں ودیا بالن کے داماد کے کردار میں دکھائی دیں گے۔

امیت سادھ نے کہا کہ جب انہوں نے اس فلم کی اسکرپٹ پڑھی تب انہیں شکنتلا دیوی کے بارے میں بہت کچھ معلوم ہوا اور وہ اس فلم سے منسلک ہوکر بہت خوش ہیں اور امید کرتے ہیں کہ ناظرین کو ان کا ’اجے‘ کا کردار پسند آئے گا۔

اس فلم میں ودیا بالن کے شوہر کا کردار بنگلہ فلم کے اداکار جیشو سین گپتا اور فلم کی ہدایت کاری کا کام انو مینن کریں گی۔ یہ فلم 2020 میں ریلیز ہوگی۔