آرین اپنے والد شاہ رخ کے ساتھ ڈیبیو کریں گے

ممبئی،17جون(ایجنسی)مشہور اداکار شاہ رخ خان کے بیٹے aryan آرین خان اپنے والد کے ساتھ ڈیبیو کرسکتے ہیں۔ آرین بالی ووڈ میں کافی مقبول ہیں۔ ان کے بالی ووڈ میں ڈیبیو کے سلسلے میں کافی خبریں ہیں۔

لیکن ابھی کچھ بھی طے نہیں ہے۔ اب سوشل میڈیا پر ایک پوسٹ سامنے آئی ہے،اس کے مطابق آرین اپنے پاپا شاہ رخ کے ساتھ ایک فلم سے ڈیبیو کرنے والے ہیں۔ اس فلم کا نام ہے ’دی لائن کنگ‘ کچھ دن پہلے شاہ رخ اور آرین کو ممبئی میں ایک ریکارڈنگ اسٹوڈیو کے باہر دیکھا گیا تھا۔ شاہ رخ کی اہلیہ گوری بھی ایک دن ڈبنگ سیشن کےلئے پہنچی تھیں۔ اس سے مانا جارہا ہے کہ شاہ رخ اور آرین ہالی ووڈ فلم ’دی لائن کنگ‘ کے لئے ڈبنگ کررہے ہیں۔

کچھ ماہ پہلے ایسی خبریں تھیں ،جن میں کہاگیا تھا کہ آرین ،کرن جوہر کی آنے والی فلم ’تخت‘ سے ڈیبیو کریں گے۔ حالانکہ اس بارے میں ابھی تک کوئی باضابطہ اطلاع نہیں ہے۔