دوردرشن پر پھر نشر ہوگا شاہ رخ خان کا پہلا ٹی وی سیریل فوجی

حیدرآباد،24 اکتوبر (ذرائع)شاہ رخ خان آج کے وقت میں صرف ہندوستان بلکہ پوری دنیا کی بڑی شخصیات میں سے ایک ہیں۔ ان کی فین فالوونگ نہ صرف ہندوستان بلکہ بیرون ملک بھی ہے۔

شاہ رخ خان کی فلموں کو دوسرے ممالک میں بھی بہت پیار ملتا ہے لیکن کیا آپ جانتے ہیں کہ ایک ٹی وی سیریل نے شاہ رخ خان کو اتنی بڑی شخصیت بنانے میں اہم کردار ادا کیا ہے جس نے پوری دنیا کے دل جیت لیے ہیں۔

اس ٹی وی سیریل کا نام



فوجی ہے۔ شاہ رخ خان کا یہ سیریل پہلی بار 1989 میں دور درشن چینل پر نشر ہوا تھا۔ اب اس سیریل کا سیکوئل بننے جا رہا ہے۔

فوجی 2 سے پہلے اب فوجی کو  دور درشن پر ٹیلی کاسٹ کرنے کا فیصلہ کیا گیا ہے۔ شاہ رخ خان کی اس سیریل کی دوبارہ نشریات 24 اکتوبر بروز جمعرات سے شروع ہوگی۔ یہ اقساط ہر پیر سے جمعرات کو ڈی ڈی نیشنل پر نشر کیے جائیں گے۔

دوردرشن کے ڈائریکٹر جنرل کنچن پرساد نے ایک بیان جاری کرکے یہ جانکاری دی ہے۔