ہیرانی ،شاہ رخ اور کرینہ کولے کر فلم بنائیں گے

ممبئی،20جنوری(یواین آئی)مشہور فلم ساز راج کمار ہیرانی،مشہوراداکار شاہ رخ اور کرینہ کپور کو لے کر فلم بناسکتے ہیں۔

شاہ رخ کے مداحوں کےلئے یہ خوش خبری ہے۔ انہوں نے آخری بار سال 2018 میں ریلیز فلم زیرو میں کام کیاتھا۔ ایسی خبریں ہیں کہ شاہ رخ خان نے راج کمار ہیرانی کی ایک فلم کےلئے ہاں کہہ دی ہے۔ اس فلم میں وہ قرینہ کے



ساتھ نظر آسکتے ہیں۔

شاہ رخ خان اور کرینہ کپور عرصے سے بعد ایک ساتھ نظر آئیں گے۔ دونوں نے اشوکا،کبھی خوشی کبھی غم اور راون جیسی فلموں میں ایک ساتھ کام کیاہے۔

ایسی خبریں بھی ہیں کہ شاہ رخ ہدایت کار علی عباس ظفر کے ساتھ بھی جلد ہی ایک فلم میں کام کرنے والے ہیں۔ کہاجارہا ہے کہ دونوں کے درمیان بات چیت چل رہی ہے۔