فلم اداکارہ وانی کپور کے خلاف مذہبی جذبات بھڑکانے کی شکایت

سنبھل،14 نومبر(ایجنسی) بالی ووڈ اداکارہ وانی کپور کے خلاف پولیس میں شکایت درج کروائی ہے۔ وانی پر مذہبی جذبات کو ٹھیس پہنچانے کا الزام عائد کیا گیا ہے۔ انسٹاگرام پر متنازعہ لباس میں پوسٹ کی گئی ایک تصویر کے بعد فلمی اداکارہ کے خلاف کارروائی کا مطالبہ کیا گیا ہے۔ تاہم ، پولیس کا کہنا ہے کہ معاملہ جس جگہ کا ہے وہیں شکایت کرنی ہوگی-

پورا معاملہ سنبھل کے چندوسی کا ہے، جہاں ہندو مذہب کی ایک تنظیم نے فلم اداکارہ وانی



کپور کے خلاف تحریری شکایت کی ہے- الزام ہے کہ سوشل میڈیا پر پوسٹ کی گئی فوٹو سے مذہبی جذبات کو ٹھیس پہنچی ہے- آپکو بتادیں کہ بھگوان رام اور کرشنا کا نام لکھے ٹاپ کی فوٹو پوسٹ کرنے کا اداکارہ پر الزام ہے، حالانکہ پوسٹ کے بعد اسے انسٹاگرام سے ہٹا دینے کی بات بھی کہی گئی ہے- حالانکہ چندوسی کتوالی پولیس نے شکایت کی کاپی لے لی ہے- لیکن کتوالی کا فون پر صاف کہنا ہے کہ جہاں کا معاملہ ہے وہیں رپورٹ ہوگی، چندوسی سے اسکا کوئی مطلب نہیں ہے-