برازیلیائی اداکارہ اور ماڈل لاریسا بونسی کو لانچ کریں گے سلمان خان

ممبئی، 15 فروری (یو این آئی) بالی وڈ کے دبنگ اسٹار سلمان خان برازیلیائی اداکارہ اور ماڈل لاریسا بونسی کو لانچ کررہے ہیں۔

سلمان خان کو بالی وڈ کا گاڈفادر سمجھا جاتا ہے۔

انہوں نے فلم انڈسٹری میں متعدد نئے چہروں کو لانچ کیا ہے اور اب برازیلیائی اداکارہ اور ماڈل لیریسابونسی کو بالی وڈمیں لانچ کررہے ہیں۔

لاریسا بونسی نے یہ اطلاع سوشل میڈیا پر دی ہے۔

انہوں نے سلمان کے ساتھ ایک تصویر پوسٹ کرتے ہوئے لکھا ’’میں بالی ووڈ کے مشہور اور معروف اداکار سلمان خان کے ساتھ کام



کرنے میں فخر اور خوشی محسوس کر رہی ہوں، مجھے ان کے کام اور ان کے کردار سے بہت کچھ سیکھنے ملا اور میں ان کے کام سے بہت متاثر ہوں۔

میں اپنے آپ کو خوش نصیب محسوس کررہی ہوں ۔

میرا دل شکریہ کے ساتھ دھڑک رہا ہے ... شکریہ‘‘۔

قابل ذکر بات یہ ہے کہ لاریسا بونسی ایک برازیلیائی ماڈل اور ڈانسر ہیں اور انہوں نے اکشے کمار اور جان ابراہم کے ساتھ بلاک بسٹر ’گیت صبح ہونے نہ دے‘ کے ساتھ اپنے کیرئیر کا آغاز کیا تھا، اس کے علاوہ انہوں نے ٹائیگر شراف اور سورج پنچولی کے ساتھ کچھ میوزک ویڈیو البم بھی کئے ہیں۔