سلمان-چرنجیوی کی فلم نے تہلکہ مچا دیا، تیسرے دن بھی بمپر کمائی

نئی دہلی: بالی ووڈ کے بھائی جان سلمان خان اور جنوبی ہند کے فلم میگا اسٹار چرنجیوی کی فلم گاڈ فادر نے باکس آفس پر تہلکہ مچا دیا ہے۔ ریلیز کے پہلے ہی دن سے پولیٹیکل تھرلر فلم کا جادو شائقین کے سر چڑھ کر بولتا دکھائی دے رہا ہے۔ گاڈ فادر کی کمائی جاری ہے اور فلم نے تیسرے دن بھی خوب کمائی کی ہے۔ ریلیز کے پہلے ہی دن تقریباً 38 کروڑ روپے کا باکس آفس کلیکشن کرنے والی اس فلم نے ریلیز کے تیسرے دن بھی اپنے پروڈیوسرز کو مایوس نہیں کیا۔

گاڈ فادر کا تیسرے دن باکس آفس پر کلیکشن تقریباً 32 کروڑ روپے رہا۔ دی گاڈ فادر نے ریلیز



کے دوسرے دن باکس آفس پر 31 کروڑ روپے کی کمائی کی۔ اس طرح سلمان خان اور چرنجیوی کی فلم 100 کروڑ کا ہندسہ چھونے کے بہت قریب پہنچ گئی ہے۔ فلم ریلیز کے چوتھے دن 100 کروڑ کا ہندسہ عبور کر لے گی۔ اس فلم کا دیوانہ صرف ہندوستان میں ہی نہیں بلکہ پوری دنیا میں دیکھنے کو مل رہا ہے۔

سلور اسکرین پر سلمان خان اور چرنجیوی کی جوڑی کو ناظرین بہت پسند کر رہے ہیں۔ یہی وجہ ہے کہ یہ فلم بھی باکس آفس پر پونیئن سیلوان، وکرم ویدھا اور دی گھوسٹ جیسی فلموں کو زبردست مقابلہ دے رہی ہے۔ فلم کو تیلگو اور ہندی زبانوں میں ریلیز کیا گیا ہے۔ جب سے فلم کا ٹریلر سامنے آیا ہے، شائقین کو فلم کا بے صبری سے انتظار تھا۔