ای پیپر
انگلش ویکلی
خصوصی
زیادہ دیکھے گئے
اوپینین پول
جھارکھنڈ اسمبلی انتخابات 2024 میں کون سی سیاسی پارٹی جیتے گی؟
سائرہ بانو نے اپنی دلکش اداؤں سے ناظرین کو دیوانہ بنایا
Sat 22 Aug 2020, 18:28:54
ممبئی، 22 اگست (یو این آئی)بالی وڈ میں سائرہ بانو کا ایسی اداکاراؤں میں شمار ہوتا ہے جنہوں نے 60 اور 70 کی دہائی میں اپنی دلکش اداؤں اور بہترین اداکاری سے فلم شائقین کا اپنا دیوانہ بنایا۔
سائرہ بانو کی پیدائش 23 اگست 1944 میں ہوئی تھی۔
ان کی ماں نسیم بانو 30 اور 40 کی دہائی کی معروف اداکارہ تھیں جنہیں بیوٹی کوئن کہا جاتا تھا اور وہ پری چہرہ نسیم سے مشہور تھیں۔
سائرہ بانو کا بچپن لندن میں گزرا اور وہیں سے انہوں نے تعلیم حاصل کی۔
تعلیم حاصل کرنے کے بعد سال 1960 میں وہ ممبئی آگئیں۔
اس دوران ان کی ملاقات فلمساز و ہدایت کار ششر مکھرجی سے ہوئی جنہوں نے ان کی صلاحیت کو پہچانا اور اپنے
چھوٹے بھائی سبودھ مکھرجی سے ملنے کا مشورہ دیا۔
چھوٹے بھائی سبودھ مکھرجی سے ملنے کا مشورہ دیا۔
سبودھ مکھرجی ان دنوں اپنی نئی فلم ’جنگلی‘ کے لئے کسی نئی ہیروئن کی تلاش کررہے تھے۔
انہوں نے سائرہ کو اپنی فلم میں کام کرنے کی پیش کش کی جسے سائرہ نے بلا تاخیر قبول کرلیا ۔
سال 1961 میں فلم ’جنگلی‘ ریلیز ہوئی ۔
اس فلم میں ان کے ہیرو شمی کپور تھے۔
فلم میں سائرہ بانو نے کشمیری دوشیزہ کا کردار ادا کیا تھا۔
بہترین نغموں اور عمدہ موسیقی سے آراستہ اس فلم نے زبردست کامیابی حاصل کی۔
اس فلم نے نہ صرف سائرہ بلکہ شمی کپور کو بھی بالی وڈ میں ایک اسٹار کے طور پر شناخت دلائی۔
اس دور کی طرح آج بھی اس فلم کے نغمے سامعین کا مسحور کردیتے ہیں۔
اس پوسٹ کے لئے کوئی تبصرہ نہیں ہے.
فلم و تفریح میں زیادہ دیکھے گئے
Indian Rupee Converter