پاکستانی اداکارہ صبا قمر کی تصوریں سوشل میڈیا پر وائرل

نئی دہلی/24جولائی(ایجنسی) بالی ووڈفلم "ہندی میڈیم" میں عرفان خان کے ساتھ نظر آنے والی اداکارہ صبا قمر کی حال ہی میں سگریٹ کا کش لگاتی فوٹو سوشل میڈیا پر وائرل ہورہی ہے، ان تصویروں کے سامنے آنے کے بعد صبا ٹرولس کے نشانے پر آگئی ہے، بتایا جارہا ہے کہ سوشل میڈیا پر وائرل ہورہی تصاویر ایک فوٹو شوٹ کے دوران کی ہے، صبا نے فوٹوشوٹ کے درمیان سگریٹ کے لیے بریک لیا تھا، حالانکہ ان فوٹو کے سامنے آنے کے بعد صبا نے ٹرولس کو کوئی جواب نہیں دیا.

خبر ہے کہ صبا کی یہ تصویر انکے فوٹوشوٹ کے دوران اس وقت لی گئی جب انہوں نے اپنے کپڑے بدلنے کے لیے بریک لیا تھا، بریک کے دوران صبا کی کچھ فوٹو سگریٹ پیتے ہوئے بھی سامنے آئی ہے، ٹرولس کو صبا کا اس طرح سگریٹ پینا پسند نہیں آیا، اور انہوں نے صبا کو ٹرول کرنا شروع کردیا، ان سب کے درمیان کچھ لوگ ایسے بھی ہیں جو صبا کی حمایت کررہے ہیں.