فلم ' ہچکی' کی کامیابی سے خوش ہے رامی مکھرجی

ممبئی/7اپریل(ایجنسی) بالی ووڈ اداکارہ رانی مکھرجی اپنی فلم 'ہچکی' کی کامیابی سے بہت خوش ہیں۔

رانی مکھرجی کی فلم 'ہچکی' ابھی حال ہی میں ریلیز ہوئی ہے۔ یہ فلم باکس آفس پر کامیاب رہی ۔ فلم کی کامیابی سے چار سال بعد واپسی کررہی رانی مکھرجی بہت خوش ہیں۔ انہوں نے کہا کہ وہ اس بات کا انتظار کررہی ہیں کہ ہچکی کامیاب ہوتی ہے یا نہیں جس سے وہ آئندہ فلمیں کرنے کے بارے میں سوچیں گی۔

جب ان سے پوچھا گیا کہ کیا وہ مانتی ہیں کہ شادی شدہ اور ماں بن چکی اداکارہ کے لئے فلموں کے آفر کم ہوجاتے ہیں تو انہوں نے جوابا کہا کہ 'ہاں یہ دکھ کی بات ہے،



مگر یہ سچ ہے اور ایسا ہوتا ہے۔

جب ایک اداکار شادی کے بعد یا والد بن کر لوٹتا ہے تو اس اداکار سے آپ کبھی نہیں پوچھتے کہ آپ کی زندگی میں تبدیلی آئی کہ نہیں، آپ میں فزیکل تبدیلی آئی یا نہیں لیکن اداکاراؤں سے بار بار پوچھا جاتا ہے۔

انہوں نے کہا 'یہ ایک حقیقت ہے اور یہ ایک قدرتی چیز ہے جب ایک عورت ماں بنتی ہے تو ان میں تبدیلی آنا بہت معمول سی بات ہے لیکن لوگوں کے دماغ میں بات ہوتی ہے کہ کیا وہ اب بھی اسی طرح رقص کرے گی یا اس طرح کے رول کرپائے گی کبھی، جبکہ حقیقت یہی ہے کہ ماں بننےسے کچھ بھی پروفیشنلی نہیں بدلتا۔
میں ایک فنکار ہوں اور اگر ڈیمانڈ ہوگی تو ضرورت پڑنے پر ویسے ہی کردار کر لوں گی'۔