اداکارہ راکل پریت سنگھ کا بھائی حیدرآباد میں منشیات کیس میں گرفتار

حیدرآباد،15جولائی (ذرائع) حیدرآباد پولیس نے فلم اداکارہ راکل پریت سنگھ کے بھائی امان پریت سنگھ سمیت چار دیگر افراد کو منشیات کے ایک مبینہ کیس میں گرفتار کیا ہے۔ تلنگانہ کے محکمہ انسداد منشیات (تلنگانہ انٹی نارکوٹکس ڈپارٹمنٹ)  نے ان کے پاس سے تقریباً 2.6 کلو گرام کوکین برآمد کیا ہے۔ بتایا جاتا ہے کہ اسے فروخت کے لیے



حیدرآباد لایا گیا تھا۔

پولیس نے امن پریت سنگھ سمیت مجموعی طور پر تیرہ منشیات استعمال کرنے والوں کا نام لیا ہے اور ان میں سے چھ کو گرفتار کر لیا گیا ہے۔

منشیات فراہم کرنے والوں میں سے ایک اہم ملزم کی شناخت نائیجیریا کے اونوہا بلیسنگ کے طور پر کی گئی ہے، جو بنگلورو میں ہیئر اسٹائلسٹ ہے اور اس کے خلاف سابقہ ​​مقدمات درج ہیں۔