کنگنا کے ساتھ کام کرنا ہمیشہ مزیدار:راج کمار

ممبئی،24جولائی(ایجنسی)مشہور اداکاری راج کمار راو کا کہنا ہے کہ کنگنا ایک بہترین اداکارہ ہیں اور ان کے ساتھ کام کرنا ہمیشہ مزیدار ہوتا ہے۔

راج کمار راو اور کنگنا رنوت کی جوڑی والی فلم ’ججمینٹل ہے کیا‘ 26جولائی کو ریلیز ہورہی ہے۔ راج کمار سے پوچھا گیاکہ ججمینٹل ہے کیابننے کے دوران انہوں نے کبھی یہ محسوس کیا کہ کنگنا نے ڈائریکشن میں دخل دے کر فلم کےمکالموں میں اضافہ کیا؟جواب میں راج کمار راو نے کہا،’’میں نے کبھی ایسا محسوس نہیں کیا۔

آن سیٹ بھی کبھی ایسا نہیں لگا۔ بطور ایکٹر ہم ہمیشہ سینس کے بارے



میں ڈائریکٹر کے ساتھ بات کرتےہیں۔ کنگنا میں اپنے کام کےلئے بہت جوش ہے۔ جب اداکاری کی بات آتی ہےتو وہ اسے کافی سنجیدگی سے لیتی ہیں۔ راج کمار راو کنگنا کے ساتھ کام کرنے کا تجربہ بھی بتایا۔

انہوں نے کہا،’’یہ شاندار تجربہ تھا۔ وہ بہترین اداکارہ ہیں۔ بہترین فنکاروں کے ساتھ کام کرنا ہمیشہ ہی مزیدار ہوتاہے۔ یہ کہیں نہ کہیں آپ کی اداکاری کو بھی بہتر بناتا ہے۔ کنگنا پہلےسے اب زیادہ پراعتماد ہوگئی ہیں۔ کوین کے بعد انہیں تنو ویڈس منو اور دوسری فلمیں کیں۔ میرے ساتھ وہ آج بھی وہی ہیں،جیسے کوین کے وقت تھیں،ہم آج بھی اچھے دوست ہیں۔