اداکارہ کا عرفان پٹھان کو پانچ سال سے ڈیٹ کرنے کا دعویٰ، میرے پیچھے اکشے کمار بھی...

نئی دہلی، 1 ڈسمبر (ذرائع) ساؤتھ کی اداکارہ پائل گھوش نے انکشاف کیا ہے کہ وہ پانچ سال قبل سابق ہندوستانی کرکٹر عرفان پٹھان کو ڈیٹ کر رہی تھیں۔ یہی نہیں اداکارہ نے یہ دعویٰ بھی کیا ہے کہ ایک اور کرکٹر بھی انہیں باقاعدگی سے مس کال کرتا تھا جسے عرفان پٹھان چیک کرتے تھے۔ پائل گھوش نے خود عرفان پٹھان کے ساتھ اپنی تصویر سوشل میڈیا پر شیئر کی ہے۔ پائل گھوش اس سے قبل بالی ووڈ اداکار انوراگ کشیپ پر جنسی استحصال کا الزام لگا چکی ہیں۔

اداکارہ نے اپنے آفیشل ایکس اکاؤنٹ پر عرفان پٹھان کے ساتھ تھرو بیک تصویر شیئر کی ہے۔ اس کے ساتھ ہی انہوں نے عرفان پٹھان کے ساتھ اپنی محبت کی کہانی کے بارے میں ایک کے بعد ایک پوسٹ کیا ہے۔ پائل گھوش کے مطابق وہ اور عرفان پٹھان سال 2011 میں ایک دوسرے کو ڈیٹ کر رہے تھے۔ اداکارہ نے دعویٰ کیا ہے کہ دیگر کرکٹرز اور اکشے کمار جیسی مشہور شخصیات بھی ان کے پیچھے تھیں۔ لیکن اس نے صرف عرفان پٹھان سے محبت کی ہے۔