پون کلیان کی اہلیہ نے سنگاپور یونیورسٹی سے لی ماسٹر آف آرٹس کی ڈگری

حیدرآباد، 22 جولائی (ذرائع) اداکار اور سیاست دان پون کلیان کی اہلیہ انا لیزنیوا نے حال ہی میں نیشنل یونیورسٹی آف سنگاپور سے ماسٹر آف آرٹس کی ڈگری حاصل کی ہے۔ اس خاص دن کو منانے کے لیے آندھرا پردیش کے نائب وزیر اعلیٰ نے اپنی اہلیہ کی گریجویشن تقریب میں شرکت کی۔ آندھرا پردیش کے وزیر اعلی این چندرا بابو نائیڈو نے سوشل میڈیا پلیٹ فارم ایکس  پر ایک ویڈیو شیئر کیا۔ اس ویڈیو میں انا لیزنیوا کو اپنی ڈگری حاصل کرتے ہوئے دیکھا جا سکتا ہے۔ انہوں نے نیلے رنگ کا گاؤن پہن رکھا ہے۔ کلپ کو شیئر کرتے ہوئے، نائیڈو نے لکھا، "انا لیزنیوا گارو کو سنگاپور یونیورسٹی سے آرٹ میں ماسٹر   ڈگری مکمل کرنے پر مبارکباد۔ آپ کی کامیابی قابل ذکر ہے اور یہ سب کے لیے ایک ترغیب کا کام کرے گی۔ بتادیں کہ پون کلیان اور انالیزنیوا نے 2013 میں شادی کی اور وہ دو بچوں پولینا اور مارک کے والدین ہیں۔ انا، پون کی تیسری بیوی ہے۔