سائنا نہوال کی شوٹنگ کے دوران پرنیتی چوپڑہ زخمی

ممبئی، 16 نومبر (یو این آئی) بالی وڈ اداکارہ پرنیتی چوپڑہ بیڈمنٹن اسٹار کھلاڑی سائنا نہوال کی بایوپک کی شوٹنگ کے دوران زخمی ہوگئی ہیں۔

پرنیتی گزشتہ کئی دنوں سے بیڈمنٹن اسٹار سائنا نہوال کی سوانح کی شوٹنگ میں مصروف تھیں ، حالانکہ انہیں گردن میں چوٹ کی وجہ سے شوٹنگ روکنی پڑی۔

ڈاکٹروں نے انہیں آرام کرنے کا مشورہ دیا ہے۔

انہوں نے سوشل میڈیا پر یہ جانکاری شیئرکرتے ہوئے لکھا ’’میں اور سائنا کی ٹیم نے اس بات کا پورا خیال رکھا تھا کہ کہیں میں زخمی نہ ہوجاؤں لیکن میں زخمی



ہوگئی‘‘۔

پرنیتی نے کہا ’’میں مکمل طور پر آرام کررہی ہوں اور اسی کے ساتھ خود کو ایک مرتبہ پھر سے بیڈمنٹن کھیلنے کے لئے تیار کررہی ہوں ۔

 

انہوں نے اپنی ایک تصویر بھی پوسٹ کی ہے جس میں ان کے گلے میں پٹی لگی ہوئی ہے‘‘۔

قابل ذکر بات یہ ہے کہ سائنا نہوال کی سوانح میں پہلے شردھا کپور کام کررہی تھیں اور فلم کا فرسٹ لک پوسٹر پر ریلیز کردیا گیا تھا لیکن بعد میں شردھا فلم سے باہر ہوگیئں اور اس کے بعد اس فلم کے لئے پرنیتی کو کاسٹ کیا گیا۔

اس فلم کا نام سائنا ہوگا اور یہ فلم آئندہ برس ریلیز ہوگی۔