ابھیشیک کی ’بریتھ ان ٹو دی شیڈوز‘ کا نیا پوسٹر ریلیز

ممبئی 19 جون (یو این آئی) بالی ووڈ کے جونیئر بی ابھیشیک بچن کی آنے والی ویب سیریز 'بریتھ: ان ٹو شیڈوز‘ کا نیا پوسٹر ریلیز کردیا گیا ہے۔

ابھیشیک بچن سائیکلوجیکل کرائم تھرل ’بریتھ: ان ٹو دی شیڈوز‘ سے اپنا ڈیجیٹل ڈیبیو کررہے ہیں۔

گذشتہ ہفتے ایمیزون اوریجنل ’بریتھ: ان ٹو دی شیڈوز‘ کی لانچنگ کی تاریخ کا اعلان کیا گیا تھا۔

اس سیریز میں امت سادھ ایک بار پھر سینئر انسپکٹر کبیر ساونت کے کردار کو دوہراتے ہوئے نظر آئیں گے۔

10 جولائی 2020 کو ریلیز کے لئے تیار ایمیزون اوریجنل میں مشہور اداکار نتھیا مینن اور سیامی کھیر بھی مرکزی کردار میں ہیں۔

سیریز میں ابھیشیک بچن کا فرسٹ لک ڈارک اور سخت مزاج ظاہر کرتا ہے ، جہاں وہ ایک گمشدہ بچے کے پوسٹر کے ساتھ



سنجیدہ لک میں نظر آرہے ہیں۔

اپنے اس فرسٹ لک میں ابھیشیک کافی متاثر کن نظر آرہے ہیں۔

پوسٹر پر لکھا ہے ’’ایک باپ کا پیار اک جان بچا سکتا ہے....یا ایک جان لے سکتا ہے‘‘۔

فرسٹ لک کے بارے میں ابھیشیک نے کہا ’’ایمیزون اوریجنل ’بریتھ: ان ٹو ڈی شیڈوز‘ کے ساتھ میرا ڈیجیٹل آن اسکرین ڈیبیو کرنے کا جوش حال ہی میں گذشتہ جمعہ کے روز ہونے والے اعلان کے ساتھ زیادہ بڑھ گیا ہے۔

شو کی تاریخ کے اعلان کے بعد سے مجھے جو محبت اور تعاون ملا ہے اس سے نئے مداحوں سے رابطہ قائم کرنے اور بہتر ہونے کے میرے یقین کو مزید بڑھاوا ملا ہے۔

میں اپنی پہلی ڈیجیٹل سیریز لانچ ہونے پر خوش ہوں، جو دلچسپ اور انداز کی وضاحتی بیان کی ایک عمدہ مثال ہے جسے ہم اپنی سہولت کے مطابق دیکھ سکتے ہیں‘‘۔