ماں کے کردار کو نئی جہت عطا کی نروپا رائے نے

ممبئی، 12 اکتوبر (یو این آئی) ہندی سنیما میں نروپارائے کو ایسی اداکارہ کے طور پر یاد کیا جاتا ہے کہ جنہوں نے اپنی بہتر ہیں اداکاری سے ماں کے کردار کو ایک نئی جہت عطا کی۔

نروپا رائے اصلی نام کو کیلا تھا۔ ان کی پیدائش 4 جنوری 1931 کو گجرات کے بلساڑ میں ایک متوسط گھرانے میں ہوئی۔ ان کے والد ریلوے میں ملازم تھے۔ نروپارائے نے چوتھی جماعت



تک تعلیم حاصل کی اور اس کے بعد ان کی شادی ممبئی میں کمل رائے سے ہو گئی۔ شادی کے بعد نروپا رائے بھی ممبئی آگئیں۔ انہیں دنوں فلمساز و ہدایت کار بی ایم و یاس اپنی نئی فلم رنگ دیوی کے لئے نئے چہروں کی تلاش میں تھے۔ انہوں نے اپنی فلم کے لئے نئے اداکاروں کے لئے ایک اخبار میں اشتہار دیا۔ نر و پارائے کے خاوند فلموں کے بے حد شوقین تھے اور اداکار بننا چاہتے تھے۔