کٹرینہ چھپاک جیسی فلم میں کام کرنا چاہتی ہیں

ممبئی،30مئی(ایجنسی)مشہور اداکارہ کٹرینہ کیف چھپاک جیسی فلم میں کام کرنا چاہتی ہیں۔ کٹرینہ کیف ان دنوں اپنی آنے والی فلم ’بھارت‘ کے پروموشن میں مصروف ہیں۔ اس فلم میں ایک بار پھر قطرینہ کیف اور سلمان خان کی جوڑی نظر آنے والی ہے۔ بھارت میں کٹرینہ کیف،کمدھ نام کی ایک لڑکی کا کردار ادا کررہی ہیں۔

کٹرینہ نے کہا کہ میں نے زیرو میں ببیتا کماری کا ایک چھوٹا سا رول



کیا تھا۔ یہ کوئی بہت زبردست رول نہیں تھا۔ بھارت میں کمدھ کا کردار بہت طاقت ور ہے۔ اگر مجھے دیپیکا پدوکون کے ادا کئے جانے والے چھپاک فلم جیسے رول کی پیش کش ہو تو بے شک میں اسے کرنا چاہوں گی۔

واضح رہے کہ فلم چھپاک میں دیپیکا پدوکون ایسڈ اٹیک وکٹم لکشمی اگروال کا کردار ادا کررہی ہیں۔ اس کہانی کو میگھنا گلزار ہدایت کررہی ہیں۔ فلم کا پروڈکشن خود دیپیکا پدوکون کررہی ہیں۔