کٹرینہ نے اپنی دلکش اداؤں سے شائقین کو دیوانہ بنایا

ممبئی،15جولائی(ایجنسی)مشہور اداکارہ کٹرینہ کیف ایک ایسی اداکارہ کے طورپر شمار کی جاتی ہیں جنہوں نے اپنی دلکش اداؤں سے تقریباً ایک دہائی سے لوگوں کو دیوانہ بنایا ہوا ہے۔

ہانگ کانگ میں 16جولائی کو پیدا ہوئیں کٹرینہ کیف کا اصل نام کٹرینہ ٹارکیٹی ہے جنہوں نے 14سال کی عمر میں ماڈلنگ سے اپنے کریئر کی شروعات کی۔

قطرینہ ماڈلنگ کرنے کے مقصد سے ممبئی آئیں تھیں لیکن اس دوران ان کی ملاقات كيزاد غوستادسے ہوئی۔



کیزاد ان دنوں فلم بوم بنا رہےتھے۔ انہوں نے کٹرینہ کو بوم میں کام کرنے کی تجویز دی جسے انہوں نے بخوشی قبول کرلیا۔

سال 2003 میں ریلیزفلم بوم مجرمانہ پس منظر پر مبنی تھی۔ اس فلم میں امیتابھ بچن اور جیکی شراف نے اہم کردار ادا کیاتھا۔ کمزور اسکرپٹ کی وجہ سے بوم باکس آفس پربری ناکام رہی۔ سال 2005میں قطرینہ ایک بار پھر سے امیتابھ کے ساتھ فلم سرکارمیں کام کرتی نظر آئیں لیکن فلم کی کامیابی کا انہیں کوئی خاٖص فائدہ نہیں ہوا۔