کرینہ کپور خان پونے پولیس کی کووڈ 19 بیداری مہم سے متاثر ہوئیں

ممبئی، 17 جنوری (یو این آئی) بالی ووڈ اداکارہ کرینہ کپور پونے پولیس کی جانب سے شروع کی گئی کووڈ- 19 بیداری مہم سے بہت متاثر ہوئی ہیں۔

ملک بھر میں کورونا کیسز تیزی سے بڑھ رہے ہیں ۔

بالی ووڈ کے کئی اداکار سوشل میڈیا پر اپنے مداحوں سے کورونا پروٹوکول پر عمل درآمد کرنے کی اپیل کر رہے ہیں۔

کرینہ کپور خان نے پونے پولیس کی جانب سے شروع کی گئی کووڈ 19 بیداری مہم سے متاثر ہو کر ایک ویڈیو شیئر کیا ہے



۔

اس ویڈیو میں پونے پولیس کا ایک افسر راج کپور کا مشہورنغمہ گا کر لوگوں سے ماسک پہننے کی اپیل کر رہا ہے ۔

کرینہ نے اس ویڈیو کو اپنے آفیشل انسٹاگرام پر شیئر کیا ہے ۔

ویڈیو میں دیکھا جا سکتا ہے کہ پولیس افسر راج کپور کی فلم میرا نام جوکر کا مشہورنغمہ اے بھائی زرا دیکھ کے چلو کے بول بدل کر’اے بھائی زرا ماسک پہن کر چلو‘ گاتا دیکھ رہا ہے اورلوگوں سے کورونا گائیڈ لائنز پر عمل درآمد کرنے کی تلقین کر رہا ہے ۔