کنگنا رناوت کے ہیر اسٹائلسٹ پر نابالغ لڑکے سے ریپ کا الزام، پولیس نے کیا گرفتار

نئی دہلی/1اکتوبر(ایجنسی) بالی ووڈ اداکارہ کنگنا رناوت کے ہیر اسٹائلسٹ 42 سالہ برینڈن ایلسٹر ڈی گی کو ایک نابالغ لڑکے کے ساتھ مبینہ طور پر ریپ کے الزام میں پولیس نے گرفتارکرلیا ہے، میڈیا رپورٹس کے مطابق برینڈن کو ممبئی پولیس نے پوسکو ایکٹ کے تحت معاملہ درج کرکے گرفتار کیا ہے، پولیس کے مطابق برینڈن پر 16 سال کے نابالغ لڑکے کے ساتھ ریپ کا الزام ہے.

اطلاعات کے مطابق برینڈن جب کنگنا کی فلم منی کارنکا کیلئے کام کررہے تھے ، اسی وقت ممبئی پولیس نے گرفتار کرلیا ۔ اس فلم کی شوٹنگ ممبئی سے متصل علاقہ میں ہی ہورہی تھی ۔ برینڈن کے خلاف کھار پولیس اسٹیشن میں معاملہ درج کیا گیا ہے۔ پولیس نے برینڈن کو عدالت میں پیش کیا ، جہاں سے انہیں تین اکتوبر تک پولیس تحویل میں رکھنے کیلئے کہا گیا ہے۔

آپ کو بتادیں کہ برینڈن نے بالی ووڈ فلموں کے علاوہ کئی مشہور فیشن شو کیلئے بھی کام کیا ہے۔