جھانوی کی فلم روح افزا کی شوٹنگ مکمل

ممبئی، 16 ستمبر (ایجنسی) بالی وڈ اداکارہ جھانوی کپور نے اپنی آنے والی فلم ’روح افزا‘ کی شوٹنگ مکمل کرلی ہے۔

جھانوی کپور ان دنوں راج کمار راؤ کے ساتھ فلمساز ہاردک مہتا کی فلم ’روح افزا‘ میں کام کررہی ہیں ۔ اس ہارر کامیڈی فلم میں جھانوی ڈبل رول میں دکھائی دیں گی۔ انہوں نے سوشل میڈیا پر فلم کی شوٹنگ مکمل ہونے کی اطلاع دی ہے۔ جھانوی کپور نے اپنے انسٹاگرام پر ایک تصویر شیئر کی ہے۔



انہوں نے بتایا کہ ’’فلم کی شوٹنگ مکمل کرلی گئی ہے۔ فلم کو منالی، رڑکی اور آگرہ میں شوٹ کیا گیا ہے۔

راجکمار راؤ اور جھانوی کپور کے مداح پہلی بار فلم ’روح افزا‘ میں ایک ساتھ دیکھیں گے۔ اس فلم میں راجکمار اور جھانوی کے علاوہ ورون شرما، پنکج ترپاٹھی، آمنا شریف اور رونت رائے کے بھی اہم کردار ہیں ۔ یہ فلم آئندہ برس 20 مارچ کو ریلیز ہوگی۔ دنیش وجان اور مرگدیپ لامبا اس فلم کے پروڈیوسر ہیں۔