جہانوی کپوردوستانہ 2 میں کام کرنے کے لئے پرجوش ہیں

ممبئی،5جولائی(ایجنسی)مشہور اداکارہ جہانوی کپور سپرہٹ فلم دوستانہ کے سیکوئل میں کام کرنے کےلئے پرجوش ہیں۔

فلم ساز کرن جوہر اپنی سپرہٹ فلم دوستانہ کا سیکوئل بنانے والے ہیں۔ فلم میں کارتک آرین کے ساتھ جہانوی کپور مرکزی کردار میں نظر آئیں گی۔ وہ اس رول کے لئے بےحد پرجوش ہیں۔

جہانوی کپور نے کہا کہ وہ دوستانہ 2 کا حصہ بننے کےلئے کافی



پرجوش ہیں۔ انہوں نے کہا کہ وہ اس فلم کا حصہ صرف اس لئے نہیں بننا چاہتی کہ اس میں ایک پیغام ہے بلکہ یہ تفریح سے بھری ایک کہانی ہے ۔ اس فلم سے کرن جوہر نئے ہدایت کار کالن ڈی کنہا کو لانچ کرنے جارہے ہیں۔

واضح رہے کہ سال 2008 میں ریلیز فلم دوستانہ میں جان ابراہم ،ابھیشیک بچن اور پرینکا چوپڑا مرکزی کردار میں تھے۔ اس فلم میں جان اور ابھیشیک کی جوڑی کو کافی پسند کیاگیا تھا۔