کرن جوہر ،اشان اورجہانوی کولے کر پھر فلم بنائیں گے

ممبئی،23جولائی(ایجنسی)مشہور فلم ساز کرن جوہر ایک بار پھر Ishaan Khattar اشان کھٹر اور Jahanvi Kapoor جہانوی کپور کو لے کر فلم بنانے والےہیں۔ کرن نے گزشتہ سال اشان اورجہانوی کو لے کر فلم دھڑک بنائی تھی۔ جہانوی کی یہ ڈیبیو فلم تھی۔

کرن جلد ہی اشان اور جہانوی کے ساتھ ایک اور فلم بنانے کی تیاری میں ہیں۔ اس فلم کی ہدایت شیطان اور وزیر جیسی فلمیں بنانے والے ہدایت کار بجوئے نامبیار کریں گے۔ بتایا



جارہا ہے کہ یہ ایک رومانوی تھریلر فلم ہوگی۔ اس وقت جہانوی ایئر فورس پائلٹ گنجن شرما کی بایوپک کی شوٹنگ کررہی ہیں۔

اس فلم کے ساتھ ہی وہ راج کمار راو کے ساتھ فلم روح افزا کی شوٹنگ بھی کررہی ہیں۔

اس کے علاوہ ان کے ہاتھ میں کرن کی فلم تخت بھی ہے۔ وہیں اشان ہدایت کار علی عباس ظفر کے پروڈکشن ڈیبیو فلم کی شوٹنگ جلد ہی شروع کریں گے۔ اس فلم میں ان کے ساتھ اداکار چنکی پانڈے کی بیٹی اننیا پانڈے ہوں گی۔