جارجیا اینڈریانی کی کیرولن کاماکشی کا ٹریلر ریلیز

ممبئی، 16 نومبر (یو این آئی) اطالوی بیوٹی جارجیا اینڈریانی کی آنے والی تمل ویب سیریز کیرولن کاماکشی کا ٹریلر ریلیز ہوگیا ہے۔

جارجیا نے حال ہی میں بالی وڈ میں اپنی ڈیبو فلم ’ویلکم بجرنگ پور‘ کا اعلان کیا تھا لیکن اس سے قبل ہی انہوں نے تمل ویب سیریز ’کیرولن کاماکشی‘ سے اپنا ڈیبو کرلیا تھا جس کا ٹریلر ریلیز ہوگیا ہے اور شائقین اسے پسند کررہے ہیں۔

کیرولن کاماکشی ایک ایکشن سیریز ہے جس میں جارجیا انٹرپول کی ایجنٹ کا کردار نبھائیں گی اور اس کردار کا نام کیرولن ہے جو ہندستان میں اپنی چھٹیاں گزارنے آتی ہے اور



تبھی انہیں ایک مشن کا حصہ بننے کے لئے تیار ہونا پڑتا ہے۔

جنوبی ہند کی فلموں کی مشہور اداکار مینا بھی اس سیریز میں ایک سی بی آئی آفیسر کا کردار نبھائیں گی جن کے کردار کا نام کاماکشی ہے۔

کیرولن اور کاماکشی دونوں ایک ساتھ ایک ہی مشن سے منسلک ہوجاتی ہیں جس میں انہیں ایک مافیا کو پکڑنا ہوتا ہے۔

یہ ویب سیریز ایکشن اور کامیڈی سے پر ہے جس میں دس قسطیں ہونگی۔

اس سیریز کی شوٹنگ چینئی اور پڈوچیری میں ہوئی ہے ۔

یہ سیریز جی 5 تمل میں 5 دسمبر کو ریلیز ہوگی جس کے لئے جارجیا اور مینا دونوں ہی کافی پرجوش ہیں۔